Nafn í nafnabanka nýja eldfjallsins

Margir hafa velt fyrir sér nýju heiti á eldstöðina á Fimmvörðuhálsi og margt gott komið fram. Mér fannst við hæfi að nafnið yrði dregið af nágrannanum Kötlu. KÖTLUNGUR gæti því  fjallið heitið en síðan skaut upp í kollinum KETILL  sem er jafnvel betra. Bæði er að nöfnin eru skyld, fjallið tekur efalaust á sig ketils- eða skálarmynd og ekki spillir tengingin við málsháttinn, "að falla allur ketill í eld", fyrir nafninu.